قف بالتحيه العسكريه وسلام سلاح
يعجز القلم عن تسطير معني الالم
لما يجيلك تليفون بدون اى تمهيد للكلام ويقولك اخوك استشهد اللى اخوه مات و الدفنة بعد كذا ساعه مثلًا متتخيلوش إحساسه إيه و مايكات المساجد كلها بتقول انتقل إلي رحمة الله فقيد الشباب الشهيد مصطفى الباز
لما مترضاش تقوم و تسرح و تدعى ربنا إنه يكون حلم أو كابوس و هيعدى و تفضل تقنع نفسك ان اخوك نايم و هيقوم دلوقتى لما تسمع الشيخ بيقول جملة هاتوا الكفن وخلى حد من اهل الشهيد معايا يلا و اطلعو برا عشان هنبدأ الغسل نظرتك على اخوك وهو بيتغسل و صوتك وانت عمال بتنادى عليه و تكلمه و هو مش بيرد عليك لمسة إيديه وشه المنور كأنه صاحي وبيضحكلك اللى فضل يسمع من الناس متعيطش عليه و ادعيله وهو محتاج دعائك دلوقتى أكتر من دموعك وناس تانيه تقول يا بختك ده اخوك شهيد أعتقد صدى الصوت اللحظات دى لسه في ودنى اللي طول ماانا لسا فى عربيه الاسعاف وراجعين من مستشفى قبل الجنازة سامع حد يقول الله يرحمه و انا مش مستوعب يرحم مين ده لسه كان بيكلمنى بليل نظرتك الآخيره على كفنه و هو نازل القبر وانت الى بتدفنه بايدك وانت مش مستوعب ايه كل ده مين الى بدفنه ده اكيد انا بحلم ده مش اخويا الى عيشنا مع بعض احلى واجمل ذكريات اكيد ده حلم ده احنا كنا بنتفق على الفسحه بتاعت الاجازه الى جيه لما ينزل بالسلامه و فكرة إنك هتصحى تانى يوم من النوم مش هتلاقيه ولا هتعرف تسمع صوته تاني هو دة أصعب إحساس في الدنيا و تفضل تدور في الناس على حد شبهه أو صوت شبهه و متلاقيش غير وحدة و حزن و تفضل تايه مش عارف تستوعب اللى حصل و بالفعل تصحى تانى يوم بدرى تروحله عند قبره اللى اخوه مات بيفضل فاكر تفاصيل اليوم بتفاصيله المخيفه محدش يقدر ينسي اليوم ده أبدًا و لا كسرة الشخص في اليوم ده تقارن بأي كسرة في يوم تاني و بمجرد ما بتفوق من الصدمة إنك خلاص مش هتشوفه تانى بتبقى عاوز تحكى عنه للناس كتير جدًا شوية تضحك على حاجات حلوة و مواقف كانت بينكم و شويه تبكى لإنه خلاص مبقاش جنبك ويا سلام بقى لو فى يوم كدا حلمت بيه لازم تحكى لكل الى حواليك عن الحلم وايه الى شفته وكان بيحصل ايه ويفضل الحلم ده على لسانك بتحكيه لكل حد جنبك مش صحيح اللى بيقولك إن الأيام بتنسي الواحد طول ما الواحد عايش بيصبر نفسه إن هو قرب خلاص و إن يمكن الدور الجاى يبقى دوره الله يرحم أرواحنا اللى راحت بخبر استشهادك و يصبرنا على أذى الدنيا اللهم ارحم اخويا رحمه تليق بعظمتك و ارحم أموات المسلمين جميعًا
قف بالتحيه العسكريه وسلام سلاح
Reviewed by سحر الشريف
on
نوفمبر 26, 2020
Rating:
Reviewed by سحر الشريف
on
نوفمبر 26, 2020
Rating:
ليست هناك تعليقات