الرقص مع الشيطان
مش معني شعب بيحب الحياة وبيقدسها بنفس الدرجة اللي بيقدس بيها العالم الآخر إننا نبيع دم شهدائنا أو نتجاهل أو ننسى دم ولادنا و آبائنا و أجدادنا اللي استشهدوا في الصراع العربي الاسرائيلي
آه الخليج عامل تطبيع مبالغ فيه بس ده لأن محدش عندهم مات علشان قضية ولا حارب علشان قضية ولا دفع ثمنها من عرق جبينه أو دم ولاده!
الخليج يرقص مع إسرائيل ماشي, هما لا عندهم أطفال ماتوا في بحر البقر ولا عندهم اسرى قتلوا بدم بارد ولا دفنوا أحياء
ولا عندهم عمال ماتوا و هما شغالين بقصف مصانع أبو زعبل, و لا عندهم علماء نابغين في كل مجال تم اغتيالهم لحرمان مصر من نبوغهم و علمهم!
ولا عندهم عملاء في الداخل اتجسسوا عليهم بعد ما يسمى (السلام)..
ولا عندهم مكتب كل شغلانته نشر الفرقة والكراهية بين المصريين و بعضهم!
ما أصل شهداء السلام مع إسرائيل كتير برضو, بس لأنهم مش في حرب محدش بيتكلم عليهم و لا بيجيب سيرتهم مع الأسف!
دول سطرين مهمين يعرفهم شعب الخليج وإسرائيل وأمريكا وكل شعوب الأرض,
إحنا لا بنخاف من أمريكا ولا إيران ولا إسرائيل ولا تركيا ولا إثيوبيا, إحنا ببساطة مقتنعين إن مصر بلد علشان تعيش لازم تدفع ضريبة دم, وشعب مصر أثبت على مر العصور إن رقبته سدادة
ياريت اللي يسلم على محمد رمضان بعد كده يغسل ايده, ويقرأ الفاتحة على أرواح شهداء مصر, تحيا مصر
الرقص مع الشيطان
Reviewed by سحر الشريف
on
نوفمبر 23, 2020
Rating:
Reviewed by سحر الشريف
on
نوفمبر 23, 2020
Rating:
ليست هناك تعليقات